ئسرائیلێ هێرشا ئاسمانى ل سووریا كر
11/19/2022 - 10:11
بەلاڤ بکە
گاڤ
ئسرائیلێ هێرشه‌كا ئاسمانى ل سووریا كر و چار سه‌ربازێن سووریا د هێرشێ دا هاتنه كوشتن، ل ده‌مه‌كى حكومه‌تا سووریا دبێژیت: وان رێگرى ل هێرشێ كریه.
حكومه‌تا سووریا راگه‌هاند، به‌رگریا ئاسمانى یا سووریا رێگرى ل ژماره‌كا مووشه‌كێن ئسرائیلێ كریه كو بۆ ناوچه‌یێن ناڤه‌ڕاست یێن وى وه‌لاتى هاتبوون ئاراسته‌كرن.
ئاژانسا فه‌رمى یا حكومه‌تا توركیا سانا ئه‌ڤرۆ شه‌مبیێ راگه‌هاند، ئه‌ڤرۆ سپێدێ نێزیكى ده‌مژمێڕ 6:30 خۆله‌ك ئسرائیلێ نیاز هه‌بوو هه‌ژماره‌كا باژێڕێن سووریا بكه‌ته ئارمانج، لێ سیسته‌مێ به‌رگریێ رێ لێ گرتیه و هێرشا وان ژ ناڤبریه.
هه‌روه‌سا ئاشكراكر ژى د هێرشا ئسرائیلێ دا چار سه‌ربازێن وان هاتینه كوشتن و هه‌ژماره‌ك ژى بریندار بووینه، هه‌ڤده‌م زیانێن مه‌زن یێن مادى ل دویف خۆ هێلاینه.
