سه‌رۆك نێچیرڤان بارزانى و شانده‌كێ كۆنگرێسێ ئه‌مریكا كۆمبوون
بەلاڤ بکە
گاڤ
سه‌رۆكێ هه‌رێما كوردستانێ و شانده‌كێ ئه‌مریكى كۆمبوون، دوپاتى ل وێ ئێكێ كرن، ده‌رفه‌ت هاتیه پێش هه‌ولێر و به‌غدا كێشه‌یێن دناڤبه‌را خۆ دا چاره بكه‌ن.
ئه‌ڤرۆ سه‌رۆك نێچیرڤان بارزانى، سه‌رۆكێ هه‌رێما كوردستانێ پێشه‌وازى ل شانده‌كێ كۆنگڕێسێ ئه‌مریكا ب سه‌رۆكاتیا كۆنگرێسمان مارك تاكانۆ كر.
سه‌رۆكاتیا هه‌رێما كوردستانێ د راگه‌هاندنه‌كێ دا ل دۆر سه‌ره‌دانا وى شاندێ ئه‌مریكى و كۆمبوونا دگه‌ل سه‌رۆكێ هه‌رێمێ دیاركر، د كۆمبوونێ دا په‌یوه‌ندێن نێڤبه‌را ئه‌مریكا، هه‌رێما كوردستانێ و ئیراقی و ره‌وشا داوى و په‌یوه‌ندیێن هه‌ولێرێ و به‌غدایێ، چاره‌كرنا كێشه‌یێن نێڤبه‌را وان و مه‌ترسیا تیرۆرێ هاتینه باسكرن. هه‌ردو ئالى هه‌ڤڕابوون كێشه‌یێن خۆ ب رێكا دیالۆگێ چاره بكه‌ن.
ل گۆره‌ى راگه‌هاندنا سه‌رۆكاتیا هه‌رێمێ، ئه‌مریكا پێگیریا خۆ ب هه‌ڤپشكیا ستراتیژیى و پشته‌ڤانیا ئیراقێ و هه‌رێما كوردستانێ نیشاندایه.
ژلایێ خۆڤه سه‌رۆكێ هه‌رێما كوردستانێ، سه‌رۆك نێچیرڤان بارزانى سپاسیا ئه‌مریكا و هه‌ڤپه‌یمانیا نێڤده‌وله‌تى كر د به‌رهنگاربوونا دژى داعشێ دا و پشته‌ڤانى و هه‌ڤكاریا ئه‌مریكا بۆ چاكسازیێن ل وه‌زاره‌تا پێشمه‌رگه‌ى.
