گاڤ-تایبەت

ل گۆرەی زانیاریێن گاڤ ئەڤرۆ مەکتەبا سیاسی یا پارتی کۆمبوونەکێ دێ کەت و چەند بریاران دەت.

گاڤ زانیە ئەو پاکێجا ئێکلابووی و هاتیە پەسەندکرن، هەمی ئەندام مەکتەب سیاسی یێن د پۆستێن حکومەتێ دا دێ هندەک کەسێن دی ل جهێ وان هێنە دانان.

ژ وان گهۆرینێن کو سەرۆک بارزانی پەسەندکرینە؛ ئەحمەد کانی، بەرپرسێ لقا دو یا پارتی دێ ل جهێ پشتیوان سادق بیتە وەزیرێ ئەوقاف و کاروبارێن ئاینی،عەبدولخالق بابیری بەرپرسێ لقا شێخان یا پارتی و ئەندامێ مەکتەبا ناڤەندی دێ ل جهێ سەربەست لەزگین بیتە بریکارێ وەزیرێ پێشمەرگەی و ل ڤان رۆژان ژی دێ پەرلەمانتارەک ل جهێ هێمن هەورامی بیتە جێگرێ سەرۆکێ پەرلەمانێ کوردستانێ.

گاڤ زانیە هەر ئێک ژ زانا مەلا ئەحمەد، سەرۆکێ فراکسیۆنا پارتی، لیزا فەلەکەدین کاکەیی ئەنداما پەرلەمانی و ئەنداما مەکتەبا ناڤەندی یا پارتی ژ دیارترین وان ناڤانە کو ل جهێ هێمن هەورامی ببنە جێگرێ سەرۆکێ پەرلەمانی،لێ هێشتا نەهاتینە ئێکلاکرن.

ل گۆرەی زانیاریان ڤان نزیکان هژمارەیەکا بەرپرسێن لقێن پارتی ژی دێ هێنە گۆهورین.