پلەبلندکرنا فەرمانبەران و پێدڤیا فەرمانگەهان بۆ دامەزراندنێ ژ فەرمانگەێن دهۆکێ هاتیە خواستن
بەلاڤ بکە
گاڤ – تایبه‌ت
سه‌رۆكاتیا دیوانا جڤاتا وه‌زیرێن هەرێما کوردستانێ، داخواز ژ وه‌زاره‌تێن حكومه‌تێ كریه تا دو شه‌مبێ پله‌بلندكرنێن فەرمانبەران و ژمارا دامه‌زراندنان ل گۆرى پێدڤیێ بۆ وان ره‌وانه بكه‌ن.
د گشتاندنه‌كێ دا كو ئیمزا ئۆمێد سه‌باح، سه‌رۆكێ جڤاتا وه‌زیران ل سه‌ره، هه‌ڤپێچكریه ل گه‌ل دو نڤێسارێن دى یێن وه‌زاره‌تا دارایى و ئابۆرى كو ئیمزا ئاوات جه‌ناب نوورى و سیراج بارزانى، سه‌رۆكێ جڤاتا گشتى یا راژه‌یى ب وه‌كاله‌ت ل سه‌رن ،هنارتیه.
گاڤ زانیە، ئەو فەرمانگەهێن خشتەیێ پلەبلندکرنێ و پێدڤیا وان ب دامەزراندنێ نەهنارتی، دوهی رۆژا ئەینی و ئەڤرۆ رۆژا شەمبیێ مژیلی ئامادەکرنێ نە داکو هەتا سوبەهی بگەهینن.
گاڤ ژ زارێ هەژمارەیەکا رێڤەبەرێن حکومیێن دهۆکێ زانیە، ژ وان هاتیە داخوازکرن، ئەگەر فەرمانبەرەک یێ زێدەبیت و پێدڤیا فەرمانگەهێ پێ نەبیت، هەردیسان پێدڤیا فەرمانگەهێ بۆ دامەزراندنا فەرمانبەران ب چ پلە و چ جورێ کارێ لگەل خشتەیێ پلەبلندکرنێ رەوانە بکەن.
د گشتاندنێ دا سه‌رۆكاتیا دیوانا جڤاتا وه‌زیران تێدا داخواز كریه، پلە بلندكرنا پله‌یا فه‌رمانبه‌ران، دامه‌زراندنا وان ب شێوه‌یێ هه‌رده‌مى ل دویف پله‌یان، پێدڤیا فه‌رمانگه‌هێن حكومه‌تا هه‌رێما كوردستانێ بۆ وێ یه‌كی ژ ئالیێ وه‌زاره‌تا دارایى و ئابۆرى ڤه خه‌رجیێن ئابۆرى بۆ بهێنه ته‌رخانكرن، هه‌ڤپێچكریه ل گه‌ل نڤێساره‌ێن وه‌زاره‌تا دارایى و جڤاتا بلندا راژه‌یى كو تا 12-12-2022ێ بۆ وان بهێنه ره‌وانه‌كرن و دوماهى ژڤانه ژى بۆ ئاهدار كرنێ.
