6 تیرۆرستێن داعشێ هاتنه كوشتن
12/10/2022 - 22:59
گاڤ
شانهیا راگههاندنا سهربازى یا ئیراقێ راگههاند، د ئۆپهراسیۆنهكا ههڤپشك دا ل پارێزگهها سهلاحهدین 6 تیرۆرستێن داعشێ هاتنه كوشتن كو 2 ژ وان خۆكوژ بوون.
شانهیا راگههاندنا سهربازى د راگههاندنهكێ دا بهلاڤكر، ئهڤرۆ ب رێكا ئۆپهراسیۆنهكا ههڤپشك هێزێن سهر ب لیوا 91 یا سوپایێ ئیراقێ ب ههڤكارى دگهل وهلاتیێن ناوچهیێ و چهكدارێن حهشدا عهشائیرى، 6 تیرۆرستێن داعشێ كو دو ژ وان خوكوژ بوون ل پارێزگهها سهلاحهدین هاتنه كوشتن.
د راگههاندنێ دا هاتیه ژى، ئهو تیرۆرست هاتنه دۆرپێچكرن، پاشى روى ب روى بوون د ناڤبهرا وان و هێزێن ههڤپشكێن ئیراقێ دا دورستبوویه و ههر 6 تیرۆرست هاتنه كوشتن، د وى شهڕى دا گوله ب شڤانهكى ژى كهڤتیه و ئهو ژى هاتیه كوشتن.