وه‌زیرێ ناڤخۆ یێ ئیراقێ گه‌هشته ل هه‌ولێرێ یه
12/12/2022 - 19:58
بەلاڤ بکە
گاڤ
شانده‌كێ بلندێ سه‌ربازى ب سه‌رۆكاتیا وه‌زیرێ ناڤخۆ یێ ئیراقێ ب سه‌ره‌دانه‌كێ گه‌هشته هه‌ولێرێ و ژ لایێ رێبه‌ر ئه‌حمه‌د وه‌زیرێ ناڤخۆیێ هه‌رێمێ پێشه‌وازى لێ هاته كرن.
ل گۆره‌ى راگه‌هاندنه‌كا وه‌زاره‌تا ناڤخۆیا ئیراقێ شاندێ بلندێ ئیراقێ ب سه‌رۆكاتیا وه‌زیرێ ناڤخۆ عه‌بدولئه‌میر شومه‌رى یه، هه‌ر ئێك ژ فه‌رمانده‌یێ ئۆپه‌راسیۆنێن هه‌ڤپشك، فه‌رمانده‌یێ زێره‌ڤانێن سنورى، ریڤه‌به‌رێ گشتى یێ پاسپۆرتێ و ریڤه‌به‌رێ هه‌والگریێ ل فه‌رمانده‌یا ئۆپه‌راسیۆنێن هه‌ڤپشك دگه‌ل دا بوون.
هاته دیاركرن ژى، ئێك ژ ئارمانجێن سه‌ره‌دانێ دێ پرسا ناڤ نڤیسینا زێره‌ڤانێن سنورى و چه‌وانیا دامه‌زراندنا وان بیت، پاشى دێ دانوستاندن ل دۆر هه‌ماهه‌نگیا هێزێن ئیراقێ و پێشمه‌رگه‌ى هێته كرن بۆ چه‌وانیا پاراستنا ئاسایشا ده‌ڤه‌رێن سنورى.
