گاڤ 
ماوه‌یێ چه‌ند رۆژانه‌ بارانه‌كا بۆش ل باژیرێن  مه‌ككه‌هێ و جه‌دده‌ یێن سعودیێ دباریت، ئاسته‌نگ بۆ ده‌واما خواندنگه‌هـ و زانكۆیان دورستكرینه‌‌. ب بلندگۆیان ژى داخواز دهێته‌ كرن پشكه‌كا خه‌لكێ مه‌ككه‌كێ نڤێژێن خۆ ل مال بكه‌ن.
ل گۆره‌ى ئاژانسێن نوچه‌یان، ماوه‌یێ چه‌ند رۆژنه‌ ل باژیرێن مه‌ككه‌هێ و جه‌ده‌ یێن سعودیێ، بارانێن بۆش دبارن ، رێڤه‌به‌ریا به‌رگریا شارستانى یا سعودیێ ژى ژبه‌ر دورستبوونا له‌هیان ل چه‌ند ناوچه‌یان و بارینا بارانێن بۆش و به‌رده‌وام ژ وه‌لاتیان خواست بۆ كاره‌كێ فه‌ر نه‌بیت ژ مالێن خۆ ده‌رنه‌كه‌ڤن. هه‌روه‌سا ده‌واما خواندنگه‌هـ و زانكۆیان ژى هاتیه‌ راگرتن .
هه‌روه‌سا گۆتاربێژێن پشكه‌كا مزگه‌فتێن باكۆرێ مه‌ككه‌هێ داخواز ژ وه‌لاتیان كر، تا ئاساییبوونا ره‌وشا سه‌قاى، ژ مال ده‌رنه‌كه‌ڤن و نڤێژێن خۆ ل مال بكه‌ن.