سەرۆکێ هەرێما کوردستانێ و بالیۆزا ئەمریکا ل سەر چەوانیا چارەکرنا کێشەیان هەڤرانە
بەلاڤ بکە
گاڤ
سەرۆکێ هەرێما کوردستانێ و بالیۆزا ئەمریکا ل ئیراقێ کۆم بوون و بەحسا چەوانیا چارەکرنا کێشەیێن د ناڤبەرا هەولێرێ و بەغدایێ دا کر.
سەرۆکاتیا هەرێما کوردستانێ راگەهاند: ئەڤرۆ رۆژا چارشەمبی 14-12-2022 سەرۆک نێچیرڤان بارزانی ل هەولێرێ پێشوازی ل ئالینا رۆمانۆوسکی، بالیۆزا ئەمریکا ل ئیراقێ کر و د کۆمبوونەکێ دا بەحسا ئەنجامێن سەرەدانا نێچیرڤان بارزانی، سەرۆکێ هەرێما کوردستانێ بۆ بەغدا و کۆمبوونێن وی ل گەل بەرپرسێن ئیراقی کر.
هەردو ئالی پشتەڤان بوون کو پێدڤیە کێشەیێن هەرێما کوردستانێ و حکومەتا فیدرال ل گۆرەی دەستوورێ ئیراقێ و سیستەمێ فیدرال بهێنە چارەکرن و دانوستاندن و سەرەدانێن بەردەوام د ناڤبەرا هەولێرێ و بەغدایێ دا هەبن داکو لێکتێگەهشتنەکا هەڤپشک هەبیت.
هەروەسا د کۆمبوونێ دا هەردو ئالی هەڤرابوون کو پێدڤیە پەیوەندیێن هەرێما کوردستانێ و بەغدایێ بهێز بن و پشتەڤانیا حکومەتا سوودانی بهێتە کرن و هەروەسا کێشەیێن ئیراقێ د کارنامەیا حکومەتێ دا بهێنە چارەکرن.
