تويتهرى ئهكاونتێن ژمارهيهكا رۆژنامهڤانان راگرتن
گاڤ
كۆمپانيا تويتهرى ئهكاونتێن ژمارهيهكا رۆژنامهڤانان ب شێوهيهكێ دهمكى راگرتن.
ئيلۆن ماسك خۆدانێ تويتهرى راگههاند؛ ژ بهر دويڤچوون و بهلاڤكرنا زانياريێن وى يێن كهسۆكى و جهى وى ژ لايێ ژمارهيهكا رۆژنامهڤانان ڤه، ئهكاونتێن وان ب دهمكى بۆ 7 رۆژان هاتنه راگرتن.
ماسك ئهڤرۆ ئهينيێ د راپرسيهكێ دا ل سهر تويتهرى داخوازا بۆچوونا بكارهينهران ل دۆر ڤێ بڕيارێ كريه و د ئهنجام دا 43% يا راوهرگرتيان كو ژمارهيا وان 121.6 مليۆن كهس بوون داخواز كرينه دوباره ئهكاونتێن وان رۆژنامهڤانان بهێنه ڤهگهڕاندن و رێژهيا 57% ل گهل هندێ بوون كو ئهكاونتێن وان ب دهمكى بهێنه راگرتن.
ب بڕيارا تويتهرى، ئهكاونتێن ژمارهيهكا رۆژنامهڤانێن نيويۆرك تايمز و CNN و ژمارهيهكا رۆژنامهڤانێن سهربخۆ و تهكنيككار بۆ دهمێ حهفت رۆژان هاتنه راگرتن.
تۆرا CNN يا نووچهيان يا ئهمريكى د كۆمێنتهكێ دا ل سهر بڕيارێ دياركر كو وان داخواز ژ كۆمپانيا تويتهرى كريه شرۆڤهيهكێ بدهته وان ل دۆر ڤێ بڕيارێ و راگههاند كو ئهو دێ دوباره ههلسهنگاندنا پهيوهنديێن خۆ ل گهل تۆرا تويتهرى كهت.