گاڤ

حكومه‌تا هه‌رێما كوردستانێ ئه‌ڤرۆ ئه‌ينيێ ب توندى هێرشا ل پاريسێ ل سه‌ر ره‌ڤه‌ندا كوردى شه‌رمزار كر و راگه‌هاند؛ حكومه‌تا هه‌رێمێ باوه‌رى ب سيسته‌مێ دادوه‌رى يێ فره‌نسا هه‌يه‌.
د راگه‌هاندنه‌كا حكومه‌تا هه‌رێما كوردستانێ دا هاتيه‌؛ ب توندى هێرشا ل سه‌ر ره‌ڤه‌ندا كوردى ل پاريسێ شه‌رمزار دكه‌ين و پرسه‌ و سه‌ره‌خۆشيێ ل بنه‌مال و كه‌سوكارێن قۆربانيێن هێرشێ دكه‌ين و داخوازا چاكبوونێ بۆ برينداران دخوازين هه‌روه‌سا داخوازێ ژ ره‌ڤه‌ندا كوردى ل ئه‌ورۆپا دكه‌ين كو د ئارام بن.
تێدا هاتيه‌ ژى؛ مه‌ باوه‌ريه‌كا ته‌مام ب داموده‌زگه‌هێن فره‌نسا و سيسته‌مێ دادوه‌رى يێ وى وه‌لاتى هه‌يه‌ كو دێ رێكارێن پێدڤى بۆ پاراستنا كوردستانيێن ئاكنجيێن فره‌نسا گرنه‌ به‌ر و دێ هێرشبه‌ر و تاوانباران ب سزايێ وان گه‌هينن.
ئەڤرۆ  كه‌سه‌كێ 69 سالى يێ ره‌گه‌ز فره‌نسى ته‌قه‌ ل سه‌نته‌رێ كه‌لتۆرى يێ ئه‌حمه‌د كايا يێ كوردى و كافيه‌كا كوردى ل نيڤا پاريسێ كربوو و تێدا سێ كه‌سێن كورد گيانێ خۆ ژده‌ستدابوون و سێ كه‌سێن دى بريندار ببوون و كه‌سێ هێرش كرى هاتيه‌ ده‌سته‌سه‌ركرن.