گاڤ

جێگرێ دوێ يێ سه‌رۆكێ په‌رله‌مانێ ئيراقێ داخواز ژ حكومه‌تا ئيراقێ و به‌نكا ناڤه‌ندى كر كو رێك ل كه‌سێن ل سويكا ره‌ش مفاى ژ گوهۆڕينێن به‌رده‌وام يێن بهايێ دولارى دبينن، بهێته‌ گرتن.
شاخه‌وان عه‌بدوللا د به‌يانه‌كێ دا راگه‌هاند؛ داخوازێ ژ جڤاتا وه‌زيران، وه‌زاره‌تا دارايى و به‌نكا ناڤه‌ندى دكه‌ين كو دوباره‌ پێداچوونێد سياسه‌تا دراڤى دا بكه‌ن و په‌نايێ بۆ رێكار و بڕيارێن پێدڤى ببه‌ن.
ديار ژى كر؛ پێدڤيه‌ په‌نجه‌ره‌يێن فرۆشتنا دراڤێ بيانى ل به‌نكان و ب بهايێ حكومى بهێته‌ زێده‌كرن هه‌روه‌سا كار بۆ زێده‌كرنا داخوازيێ ل سه‌ر دراڤێ ناڤخۆيى بهێته‌ كرن.
ناڤهاتى داخواز ژى كر كو رێك ل كه‌سێن ل سويكا ره‌ش مفاى ژ گوهۆڕينێن به‌رده‌وام يێن بهايێ دولارى دبينن، بهێته‌ گرتن.