ئاهه‌نگا سه‌رێ سالێ یا دهۆكێ كه‌نگى دێ هێته‌كرن؟
12/31/2022 - 15:23
بەلاڤ بکە
گاڤ
رێڤه‌به‌ریا گشتى یا ره‌وشه‌نبیرى و هونه‌رى ل پارێزگه‌ها دهۆكێ بۆ گاڤ به‌حسا ئاهه‌نگا ئه‌ڤشه‌ڤه كر و راگه‌هاند، ئاهه‌نگ دێ ل ده‌مژمێر 9 تا ئێكى شه‌ڤێ بیت.
حه‌سه‌ن فه‌تاح، په‌یڤدارێ رێڤه‌به‌ریا گشتى یا ره‌وشه‌نبیرى و هونه‌رى ل پارێزگه‌ها دهۆكێ بۆ گاڤ گۆت: ئاهه‌نگا فه‌رمى ل پارێزگه‌ها دهۆكی دێ ژ ده‌مژمێر 9 تا ئێكى شه‌ڤێ بیت و هه‌ر چار هونه‌رمه‌ند عه‌لى ئه‌ڤریكی، دیندار حسێن، جه‌مال وه‌رمێلى و ئه‌سفه‌نده‌یار ئه‌حمه‌د دێ پشكداریێ د ئاهه‌نگێ دا كه‌ن.
هه‌روه‌سا دیار كر، په‌یڤا پارێزگه‌هێ دێ هێته خواندن و برگه‌یێن ئاهه‌نگێ دێ ده‌ستپێكه‌ن و دیارى ژى ب شێوه‌یێن جودا د ناڤ ئاهه‌نگێ دا هه‌بن، هه‌روه‌سا یاریێن ئاگرى ل ده‌ما گوهۆڕینا سالێ دێ هێنه هاڤێتن و دوپاتكر، هه‌ڤكارى ل گه‌ل هێزێن ئێمناهیێ و هه‌موو سازیێن دى هاتیه كرن بۆ پاراستنا ئاهه‌نگێ.
