حكومه‌تا ئیراقێ ده‌نگ لسه‌ر دامه‌زراندنا فه‌رمانبه‌رێن گرێبه‌ست دا
بەلاڤ بکە
گاڤ
جڤاتا وه‌زیرێ ئیراقێ ئه‌ڤرۆ ب سه‌رۆكاتیا سه‌رۆكوه‌زیر محه‌مه‌د شیاع سودانى كۆمبوونا خۆیا هه‌فتیانه گرێدا، د كۆمبوونێ دا ده‌نگ لسه‌ر دامه‌زراندنا فه‌رمانبه‌رێن گرێبه‌ست هاته دان. پشتى كۆمبوونێ سودانى باس ل بریارا ب پارێزگه‌هبوونا حه‌بچه ژى كر.
ئه‌ڤرۆ د كۆمبوونا هه‌فتیانه یا جڤاتا وه‌زیرێن ئیراقێ دا باس ل هژماره‌كا ته‌وه‌ران هاته كرن و هژماره‌كا بریاران ژى هاتنه دان، ژ وا ژى بڕیارا دامه‌زراندنا فه‌رمانبه‌رێن گرێبه‌ست یێن كو دو سالێن خزمه‌تێ پتر هه‌بن و رێكارێن وان یێن یاسایی تمامبووینه.
سه‌رۆك وه‌زیرێ ئیراقێ محه‌مه‌د شیاعه سودانى د كۆمبوونێ دا دیاركر ئه‌و بزاڤێ دكه‌ن كاره‌با ئیراقێ باشتر لێبكه‌ن و گۆت : هاڤینا بهێت دێ ره‌وش باشتر بیت.
د كۆنگره‌یێ رۆژنامه‌ڤانیێ پشتى كۆمبوونێ ژى دا ل دۆر بڕیارا حكومه‌تا هه‌رێما كوردستانێ یا ب پارێزگه‌هكرنا حه‌له‌بچه، سودانى گۆت: حه‌له‌بچه هه‌ژى گه‌له‌ك تشتانه بۆ بهێنه كرن گۆت ژى، حكومه‌تا ئیراقێ رژده وه‌كى پارێزگه‌هه‌كێ سه‌ره‌ده‌ریێ دگه‌ل حه‌له‌بچه بكه‌ت.
