گاڤ

سه‌رۆكوه‌زيرێ ئيراقێ ل به‌ره‌ سه‌ره‌دانه‌كێ بۆ ئه‌مريكا ژ بۆ به‌حسكرنا ژماره‌يه‌كا بابه‌تان ئه‌نجام بده‌ت.
ژێده‌ره‌كێ بۆ ئاژانسا شه‌فه‌ق نيوز راگه‌هاند؛ محه‌مه‌د شياع سودانى ل به‌ره‌ د قووناغا بهێت دا سه‌ره‌دانا ئه‌مريكا بكه‌ت و ل گه‌ل جۆ بايدن سه‌رۆكێ ئه‌مريكا و ژماره‌يه‌كا به‌رپرسێن كۆچكا سپى كۆم ببيت.
ديار ژى كر‌؛ ژ به‌ر سه‌قايێ هه‌لبژارتنان ل ئه‌مريكا، سه‌رۆكوه‌زيرێ ئيراقێ ژڤانێ سه‌ره‌دانا خۆ بۆ ئه‌مريكا ئاشكرا نه‌كريه‌.
خۆيا ژى كر؛ سه‌ره‌دانا سودانى دێ يا پرۆتۆكۆلى بيت لێ دێ تێدا به‌حسێ دوسيه‌يا ئه‌منى ل ئيراقێ هێته‌ كرن.
ئاماژه‌ دايه‌ وێ چه‌ندێ ژى؛ سودانى دێ بزاڤێ كه‌ت ده‌ستپێشخه‌ريه‌كا ئيراقى بۆ لێكنزيككرنا بۆچوونان دناڤبه‌را واشنتۆن و ته‌هرانێ دا پێشكێش بكه‌ت.