په‌یڤدارێ حكومه‌تا هه‌رێمێ هنده‌ك زانیاریان ل دۆر كۆمبوونێن ل گه‌ل به‌غدایێ ئاشكرا دكه‌ت
بەلاڤ بکە
گاڤ
په‌یڤدارێ حكومه‌تا هه‌رێما كوردستانێ ناڤه‌رۆكا كۆمبوونێن ل گه‌ل به‌رپرسێن حكومه‌تا ئیراقێ ئاشكراكر و دیاركر، ئیراق دێ رێكارێن دى گریته به‌ر بۆ هووربینیی د داهات و مووچه‌یێ فه‌رمانبه‌ران دا.
جۆتیار عادل، په‌یڤدارێ حكومه‌تا هه‌رێما كوردستانێ بۆ میدیایێن فه‌رمى یێن پارتى گۆت: د كۆمبوونا مه‌سروور بارزانى، سه‌رۆكوه‌زیرێ هه‌رێمێ و محه‌مه‌د شیاع سوودانى، سه‌رۆكوه‌زیرێن ئیراقێ هه‌ژماره‌كا بابه‌تان هاتنه به‌حسكرن ژ وان ژى قانوونا بودجێ، ده‌رگه‌هێن سنۆرى و دۆسیا په‌ترۆلێ.
هه‌روه‌سا دیاركر، دانوستاندن ئه‌رێنى بوون و خالێن ناكۆك ژى د ناڤبه‌را هه‌ولێر و به‌غدایێ دا ته‌وه‌ره‌كێ دى یێ دانوستاندنان بوو.
عادلى دیاركر، بۆ گه‌هشتن ب رێككه‌فتنێ كۆمه‌كا رێكاران دێ گرنه به‌ر وه‌ك هووربینى د داهات و مووچه‌یێ فه‌رمانبه‌ران دا و دوپاتكر، هه‌رێمێ داخواز كریه قانوونا نه‌فت و غازێ بهێته رێكخستن.
ل دۆر 400 ملیار دیناران ژى گۆت: هنده‌ك رێكار ماینه حكومه‌تا ئیراقێ بڕیار دایه و دێ وى پاره‌یى بۆ هه‌رێما كوردستانێ هنێریت.
