تيما ئێكه‌تيێ د حكومه‌تێ دا راگه‌هاندنه‌ك به‌لاڤكر
بەلاڤ بکە
گاڤ
تيما ئێكه‌تيێ د حكومه‌تا هه‌رێما كوردستانێ دا راگه‌هاندنه‌ك ل دۆر هنده‌ك داخۆيانيێن سه‌رۆكوه‌زيرێ هه‌رێما كوردستانێ به‌لاڤكر و دياركر كو ئه‌و ژ هه‌لبژارتنان ناترسن.
د راگه‌هاندنا تيما ئێكه‌تيێ دا هاتيه؛ مه گله‌يى ل سه‌ر كابينه‌يا نه‌هێ يا حكومه‌تێ هه‌نه.
تێدا هاتيه ژى؛ ئێكه‌تى چ ده‌مان ژ ئه‌نجامدانا هه‌لبژارتنان نه‌ترسيايه و ژ بۆ ئه‌نجامدانا هه‌لبژارتنێن پاقژ ب ياسايه‌كا هه‌مواركرى، ليسته‌كا پاقژ يا ده‌نگده‌ران و زامنكرن و پاراستنا مافێن پێكهاته و نه‌ته‌وه‌يێن جودا جودا يا به‌رهه‌ڤه.
تيما ئێكه‌تيێ ديار ژى دكه‌ت؛ كابينه‌يا نه‌هێ يا حكومه‌تا هه‌رێمێ ل سه‌ر بنياتێ رێككه‌فتنا سياسى پێكهاتبوو و ئێكه‌تيێ د دانوستاندنان دا دياركر بوو كو پێدڤيه پتر ژ كابينه‌يێن به‌رێ كار ل سه‌ر نه‌هێلانا شوينه‌وارێن دو ئيداره‌ييێ بهێته كرن.
مه‌سرور بارزانى سه‌رۆكێ جڤاتا وه‌زيران د ده‌مه‌كێ دى دا ژ ئه‌ڤرۆ دياركر بوو؛ نابیت ل چ پشكه‌كا هه‌رێما كوردستانێ بڕیارا حزبى یان تاكه‌كه‌سى رێكێ ل بجهئینانا كارى و به‌رنامه‌یێ حكومه‌تێ بگریت.
ديار ژى كربوو؛ من ب یه‌كسانى ته‌ماشه‌ى هه‌مى كوردستانێ كریه و خۆ به‌رپرسیار دزانم هه‌مبه‌رى وه‌لاتیێن هه‌رێما كوردستانێ ل هه‌مى پارێزگه‌هـ و ئیداره‌یێن سه‌ربه‌خۆ، به‌لێ ب لێبۆرین ڤه رێگرى هاتیه كرن و رێگرى بۆ حكومه‌تا هه‌رێما كوردستانێ هاتینه دروستكرن و ئه‌ڤێ یه‌كێ زیان ب ژیانا وه‌لاتیان گه‌هاندیه.
