راگه‌هاندنه‌كا بله‌ز ژ حكومه‌تا هه‌رێما كوردستانێ
بەلاڤ بکە
گاڤ
حكومه‌تا هه‌رێما كوردستانێ راگه‌هاندنه‌ك ل دۆر بریارا ئه‌ڤرۆ یا دادگه‌ها فیدرالى ل دۆر نه‌ياسايى ناساندنا بڕيارا ڤرێكرنا 200 مليار ديناران هه‌يڤانه بۆ هه‌رێما كوردستانێ به‌لاڤكر و راگه‌هاند: دادگه‌ها فیدرالى نه‌یا ده‌ستوورى یه و بریارێن وێ ره‌ت دكه‌ین.
د راگه‌هاندنا حكومه‌تا هه‌رێما كوردستانێ دا هاتیه: مخابن دادگه‌ها فیدرالى جاره‌كا دى دژاتیا خۆ بۆ مافێن دارایی یێن خه‌لكێ كوردستانێ دوپاتكر و ئه‌ڤ هه‌لویستێ نوى یێ دادگه‌هێ درێژه‌دانه ب سیاسه‌تا نه‌ره‌وا و دژایه‌تیكرنا خه‌لكێ كوردستانێ.
د راگه‌هاندنێ دا هاتيه ژى؛ ل ده‌مه‌كێ سه‌قايه‌كێ ئه‌رێنى بۆ رێككه‌فتنێ دناڤبه‌را حكومه‌تێن هه‌رێمێ و فيدرالى دا بۆ چاره‌سه‌ركرنا كێشه‌يان ل گۆره‌ى ده‌ستوورى په‌يداببوو، دادگه‌ها فيدرالى ل جهێ پشته‌ڤانيا وێ چه‌ندێ بكه‌ت، بڕياره‌كا نه‌ره‌وا و دژى خه‌لكێ كوردستانێ دا.
ديار ژى كريه؛ هه‌رێما كوردستانێ چه‌ندين جاران شاند بۆ به‌غدا هنارتينه و د دويماهيك سه‌ره‌دان ژى دا هه‌ردو لايان نيازپاكيا خۆ بۆ چاره‌سه‌ركرنا كێشه‌يان د چارچووڤه‌يێ ده‌ستوورى دا ده‌ربڕيبوون.
تێدا هاتيه ژى؛ هه‌رێما كوردستانێ هه‌رێمه‌كا ده‌ستوورى يه و ئه‌ڤ بڕيارێن هه‌نێ سه‌رپێچيه‌كا زه‌ق و ئاشكرانه بۆ ده‌ستوورێ ئيراقێ و دژى رێككه‌فتنا لايه‌نێن هه‌ڤپه‌يمانيا برێڤه‌برنا ده‌وله‌تێ نه بۆ پێكئينانا حكومه‌تا نوى يه.
ديار ژى كريه؛ بڕيارا دادگه‌ها فيدرالى نه ب تنێ ل دژى هه‌رێما كوردستانێيه به‌لكو دژى حكومه‌تا نوى يا ئيراقێ و لايه‌نێن پێكهێنه‌رێن حكومه‌تێ ژى يه، هه‌روه‌سا د كارنامه‌يا وه‌زارى يا حكومه‌تا ئيراقێ دا هاتبوو كو پێدڤيه د ده‌مێ شه‌ش هه‌يڤان دا پرۆژه‌ياسايا دادگه‌ها فيدرالى بده‌ركه‌ڤيت چونكى دادگه‌ها نوكه ل گۆره‌ى ده‌ستوورى نه‌هاتيه دروستكرن.
حكومه‌تا هه‌رێما كوردستانێ د راگه‌هاندنێ دا بڕيارا دادگه‌ها فيدرالى ره‌تكر.
