گاڤ

دهێتە چاڤەرێکرن ل دەستپێکا هەیڤا بهێت پتری 100 هزار ماموستا ل ئنگلتەرا و وێلزێ بایکۆتا دەوامێ بکەن و داخوازا زێدەکرنا مووچەیێ خۆ دکەن.

ئێکەتیا ماموستایێن بریتانیا کو پتری 300 هزار ئەندامان هەنە، دەنگ بۆ بەرژەوەندیا بایکۆتا دەوامێ دا، پتری 100 هزار ماموستایان دێ بۆ دەمێ حەفت رۆژێن نە ل سەر ئێک بایکۆتا دەوامێ کەن.

ماموستایێن ئنگلتەرا و وێلزێ دبێژن، ژبەر بهایێ پاوندی و هەلەوسانێ، پشتی سالا 2010 مووچەیێن ماموستایان ٪10.7 یا بهایێ خۆ ژ دەست دایە، ئەو دخوازن ٪12 یا مووچەیێ وان زێدە ببیت و حکومەت دبێژیت، بتنێ دێ ٪5 هێتە زێدەکرن.

ئەگەر ئێکەتیا ماموستایێن بریتانیا یا بەرنیاس ب NEU و حکومەت نەگەهشتنە چ رێککەفتنان، رۆژا 1یێ هەیڤا بهێت دێ ئێکەم رۆژا بایکۆتا دەوامێ بیت، پاشان ل 14/2، 28/2، 1/3، 15/3 و 16/3 دێ بایکۆتا دەوامێ کەن.

د رۆژێن بایکۆتا ماموستایان دا 12 هزار قوتابخانەیێن بریتانیا دێ هێنە گرتن و زیان دێ گەهیتە 4.5 ملیۆن قوتابیان.