گاڤ - تایبه‌ت
پتری 7 سالانە 327 کارمەندێن ساخلەمیا دهۆكێ گرێبه‌ستن و ژ هەیڤا 11 یا پار تا نوکە، مووچەیێن خۆ وەرنەگرتینە.
ئێک ژ کارمەندێن گرێبەستێن ساخلەمیێ بۆ گاڤ گۆت: ژمارەیا گرۆپێ وان یێ کارمەندێن گرێبەست 327 کەسە، هندەک ژ وان دەما 9 سالانە گرێبەست و یێن دی 7 سالن گرێبەست و ئه‌ڤساله‌ گرێبەستێن وان نه‌ هاتینە نویکرن و ژ هەیڤا 11 یا سالا بوورى ژى مووچەیێن وان نه‌هاتینه‌دان.
گۆت ژى: ل سالا بوورى نویكرنا گرێبه‌ستێن وان 9 هه‌یڤان گیرۆبوو، لەورا وان بۆ دەما 9 هه‌یڤان چ مووچە وەرنەگرتبوون، وان ترس هەیە ئەڤسالە ژی هەمان سیناریۆ دوبارەی ببیت.
گاڤ دەربارەی بابەتی پەیوەندی ب د. ئەفراسیاب مووسا، رێڤەبەرێ گشتیێ ساخلەمیا دهۆکێ کر و گۆت: ئەڤسالە ژی دێ گریبه‌ستێن وان كارمه‌ندان هێنە نویکرن، لێ نابنە وزاری، ژبەر کو دامەزراندن و گرێبەستێن وزاری ژ سالا 2014ێ تا نوکە ب فەرمانا حکومەتێ هاتیە راوەستاندن. 
دەربارەی مووچەیێ وان ژى رێڤەبەرێ گشتی یێ ساخلەمیێ دبێژیت: ساخلەمیا دهۆکێ داهاتێ خۆ ددەتە حکومەتێ، حکومەت ٪30 یا وی داهاتی بۆ مووچەیێن کارمەندێن گرێبەست ددەتە گەنجینەیا دهۆکێ و هەر دەما گەنجینێ پاره‌یێ وان هنارت دێ ل سه‌ر كارمه‌ندان به‌لاڤ كه‌ن.