جڤاتا ئاسایشێ پێنجشهمبێ دێ سێ دۆسیێن ئیراقێ بهحس كهت
گاڤ
بریاره رۆژا پێنجشهمبى 2-2-2023 ێ یێ جڤاتا ئاسایشێ یا نهتهوهیێن ئێكگرتى سێ دۆسیێن تایبهت ب رهوشا ئیراقێ ڤه بهحس بكهت.
جێنین پلاسخارت، هنارتیا تایبهتا نهتهوهیێن ئێكگرتى ل ئیراقێ ل رۆژا پێنجشهمبێ دێ پشكداریێ د كۆمبوونهكا تایبهت یا جڤاتا ئاسایشێ یا نهتهوهیێن ئێكگرتى دا كهت و دێ راپۆرتهكێ ل دۆر رهوشا سیاسى، ئێمناهى و ئابۆرى پێشكێشى جڤاتێ كهت.
ل گۆرهى بهرنامهیێ پلاسخارتێ بۆ كۆمبوونا جڤاتێ بهرههڤكرى د چارچووڤێ ههر سێ خالێن سیاسى، ئێمناهى و ئابۆرى دا قهیرانا سیاسى، قهچاخچیاتیا ب دراڤى، قهیرانا داكهفتنا دینارى ل همبهرى دۆلارى مژارێن سهرهكى یێن خالێن نوونهرا تایبهت یا نهتهوهیێن ئێكگرتى نه ل كۆمبوونا جڤاتا ئاسایشێ.
ههروهسا ههر ئێك ژ كێشهیێن ههولێر و بهغدایێ و بڕیارا دادگهها فیدرال و پهسهندكرنا بودجهیا ئیراقێ یا سالا 2023ێ یێ ژى دێ د چارچووڤێ گۆتنێن پلاسخارتێ دا هێنه بهحسكرن.