حكومهتا ههرێمێ: دێ ماسیان رهوانهیى دهرڤه كهین
گاڤ
حكومهتا ههرێما كوردستانێ راگههاند، 65%ێ یا پڕۆژهیێ بهرههمێ ماسیان ل دهۆكێ ب دوماهى هاتیه و دێ ماسیان رهوانهیى دهرڤه كهین.
فهرمانگهها میدیا و زانیارى یا حكومهتا ههرێما كوردستانێ گۆت: پڕۆژهیێ بهرههمێ ماسیان تاكه پڕۆژهیه ل سهر ئاستێ ههریم و ئیراقێ و 65%ێ ژ كارێن وى ب دوماهى هاتیه و ل قۆناغا ئێكێ ژى د شیاندایه سالانه 21 ملیۆن ماسیان و هزار و 200 تهنێن گۆشتێ ماسى بهرههمئینیت و دێ بۆ دهرڤه هێته رهوانهكرن.
گۆتژى: پڕۆژه ل پارێزگهها دهۆكێ یه و دێ پێدیڤا ناڤخۆ پڕ كهت و دێ ئاستێ بهرههمى بهرهف پێش بهت و دێ بۆ دهرڤه ژى هێته رهوانهكرن.
شوكرى عومهرن رێڤهبهرێ پڕۆژهیێ بهرههمێ ماسیان گۆت: كوژمێ 10 ملیۆن دۆلار ل وى پڕۆژهیى هاتینه خهرجكرن و نوكه دهلیڤهیا كارى بۆ 500 كهسان ب شێوهیهكێ راستهوخۆ و نهراستهوخۆ دروست كریه.
ههروهسا ئاشكراكریه، پڕۆژه ل سهر 229 دۆنهمێن ئهردى یه و تاقیگههـن حهوز و قهفهسان ب خۆ ڤه دگریت و د پلان دایه كارگهههكا بهرههمێن ئالیكێ ژى بهێته دانان و پشتى پڕكرنا ڤالاهیا ناڤخۆ دێ بۆ دهرڤه و بازارێن ئیراقى و وهلاتێن كهنداڤى هێنه رهوانهكرن.