فره‌نسا كۆنسۆلخانه‌يا خۆ ل سته‌نبۆلێ داخست
02/01/2023 - 20:34
بەلاڤ بکە
گاڤ
فره‌نسا ئێڤاريا ئه‌ڤرۆ چارشه‌مبيێ بڕيارا داخستنا كۆنسۆلخانه‌يا خۆ ل سته‌نبۆلێ دا.
ئاژانسان به‌لاڤكرينه؛ فره‌نسا ژ به‌ر ئه‌گه‌رێن ئه‌منى و وه‌ك رێكاره‌كا خۆپارێزيێ ژ هێرشێن تيرۆرستى و خۆنيشاندانان، بڕيارا داخستنا كۆنسۆلخانه‌يا خۆ ل سته‌نبۆلێ ل توركيا دا.
ديار ژى كرينه؛ كۆنسۆلخانه‌يا فره‌نسا ل سته‌نبۆلێ دێ بۆ ده‌مه‌كێ نه‌ده‌ستنيشانكرى يا گرتى بيت.
ئه‌و كه‌سێن ئه‌ڤرۆ چووينه كۆنسۆلخانه‌يێ نامه‌يه‌ك ل سه‌ر ده‌رگه‌هێ وێ ديتنه و تێدا هاتيه نڤيسين "ب ده‌مكى هاتيه گرتن، سوپاس بۆ تێگه‌هشتنا ته".
فره‌نسا پشتى بريتانيا، ئه‌لمانيا و هۆله‌ندا دبيته وه‌لاتێ چارێ یێ كۆنسۆلخانه‌يا خۆ ل سته‌نبۆلێ دگريت.
