گاڤ

پێلەکا دی یا بەفر و بارانێ دێ هەرێما کوردستانێ ڤەگریت و پلەیێن گەرمێ ژی دێ زێدەتر داکەڤن.

سەقاناسیا ئیراقێ راگەهاند: ئەڤرۆ پلەیێن گەرمێ ل پتریا دەڤەرێن هەرێما کوردستانێ ب هەڤبەرکرن ل گەل دوهی دێ دبلند بن و ئەسمان ژی دێ ل پتریا دەمان عەور و ساهی بیت و دەلیڤەیا بارینا بەفر و بارانێ نینە.

سەقاناسیێ دا زانین ژی: ل هەفتیا بهێت پێلەکا دی یا بەفر و بارانێ دێ هەرێما کوردستانێ ڤەگریت و پلەیێن گەرمێ ب هەڤبەرکرن ل گەل ڤێ هەفتیێ دێ پتر داکەڤن.

ل دەستپێکا ڤێ هەفتیێ ژی پێلەکا بەفر و بارانێ هەرێما کوردستانێ ڤەگرتبوو، ل پتریا دەڤەرێن چیایی بەفر و ل سەنتەرێ باژێڕان باران باریبوو و پلەیێن گەرمێ داکەفتبوون.