گاڤ

رێڤەبەریا بەرهنگاریا ماددەیێن هشبەر گرتنا هزار و 400 کەسان ب تاوانا بکارئینان و بازرگانیا ماددەیێن هشبەر راگەهاند.

رێڤەبەریا بەرهنگاریا ماددەیێن هشبەر یا سەر ب وەزارەتا ناڤخۆ یا ئیراقێ ڤە ئامارێن بکارئینان و بازرگانیا ماددەیێن هشبەر راگەهاندن و دیار کر: بتنێ د هەیڤا کانوونا دویێ یا ئەڤسالە دا هزار و 400 کەس ب تاوانا بکارئینان و بازرگانیا ماددەیێن هشبەر هاتینە گرتن کو 520 ژ وان د بن ژیێ 18 سالیێ دانە و 250 ژی ژنن.

وێ رێڤەبەریێ هەروەسا دیار کریە: هەر د کانوونا دویێ یا ئەڤسالە دا ل ئیراقێ دەست ب سەر 63 کیلۆگرامێن ماددەیێن هشبەر و 500 هزار حەبێن کەبتاگۆن دا گرتیە.