گاڤ

بایدن و سوودانی ب تەلەفۆنێ ئاخفتن و سەرۆکێ ئەمریکا داخواز ژ سەرۆکوەزیرێ ئیراقێ کر: ئابۆرێ ئیراقێ بۆ ئیراقیان بیت.

کۆچکا سپی د بەیانەکێ دا راگەهاند: جۆ بایدن، سەرۆکێ ئەمریکا ب تەلەفۆنێ ل گەل محەمەد شیاع سوودانی، سەرۆکوەزیرێ ئیراقێ ئاخفت و بایدنی د وێ پەیوەندیێ دا داخواز ژ سوودانی کر، ئەجێندا و پلانێن ئابۆری یێن ئیراقێ بۆ پاراستنا بەرژەوەندیا ئیراقیان بن.

ل گۆرەی بەیانێ، د هەمان پەیوەندی دا بایدنی پێگیریا وەلاتێ خۆ ب رێککەفتنا ستراتیژی یا ل گەل ئیراقێ دوپات کریە و پشتەڤانیا وەلاتێ خۆ بۆ سەروەری و سەربەخۆییا ئیراقێ پشتراست کریە.