نه‌ته‌وه‌يێن ئێكگرتى داخوازيه‌ك ژ حكومه‌تا سووريا كر
بەلاڤ بکە
گاڤ
نه‌ته‌وه‌يێن ئێكگرتى ئه‌ڤرۆ پێنجشه‌مبيێ داخوازا ڤه‌كرنا رێكان ل هه‌مبه‌ر تيمێن هه‌وارهاتنێ يێن نێڤده‌وله‌تى ژ بۆ گه‌هشتنێ بۆ باكۆرێ سووريا بۆ هاريكاريا زيانڤێكه‌فتيێن ئه‌ردهه‌ژێ كر.
ئه‌نتونيۆ گۆتيرێس د پرێس كۆنفرانسه‌كێ دا ژ ويلايه‌تا نيويۆرك يا ئه‌مريكى راگه‌هاند؛ پێدڤيه رێژه‌يه‌كا پتر ژ هاريكاريێن نێڤده‌وله‌تى بگه‌هنه باكۆرێ رۆژئاڤايێ سووريا ل وان ده‌ڤه‌رێن د بن كونترۆلا ئوپوزيسيۆنا سوورى دا.
ديار ژى كر؛ رێك ژناڤچووينه و مرۆڤ دمرن، ده‌م هات هه‌مى رێكێن پێدڤى يێن گه‌هاندنا هاريكاريان بۆ ده‌ڤه‌رێن زيانڤێكه‌فتى بهێنه بكارئينان.
گێر پێدرسۆن هنارتيێ نه‌ته‌وه‌يێن ئێكگرتى يێ تايبه‌ت بۆ سووريا ژى داخواز ژ حكومه‌تا سووريا كر كو ئاسته‌نگان د رێكا گه‌هاندنا هاريكاريان بۆ زيانڤێكه‌فتيێن ئه‌ردهه‌ژێ ل ده‌ڤه‌رێن ده‌رڤه‌ى كونترۆلا حكومه‌تێ دا دروست نه‌كه‌ت.
پێدرسۆن زێده ژى كر: پێدڤيه ژ وێ چه‌ندێ پشتراست بين كو چ ئاسته‌نگێن سياسى ل هه‌مبه‌ر گه‌هشتنا هاريكاريێن پێدڤى بۆ زيانڤێكه‌فتيێن ئه‌ردهه‌ژێ نينن.
ئه‌ردهه‌ژه‌كا ب هێزا 7.8 پله‌يێن رێخته‌ر ل ده‌مژمێر 4:17 ل سپێده‌هيا دوشه‌مبيا بۆرى ل ده‌ڤه‌را بازارچێك ل توركيا ل نزيكى سنوورێ سووريا دابوو و ب ده‌هان هزار كه‌سان گيانێ خۆ ژده‌ستداينه يان بريندار بووينه هه‌روه‌سا زيانه‌كا مه‌زن ب ژێرخانه‌يێ كه‌فتيه.
