گاڤ

لێگەریان ل قوربانیێن ئەردهەژا باکۆر و رۆژئاڤایێن کوردستانێ بەردەوامە و ژمارەیا کەسێن ل باکۆرێ کوردستانێ و تورکیا ژیانا خۆ ژ دەست دای ژ 20 هزار کەسان دەرباز بوو.

ل گۆرەی ئامارێن وەزارەتا ساخلەمیا تورکیا، تا دوهی رۆژا ئەینی 10-2-2023 ژمارەیا کەسێن د ئەردهەژا تورکیا دا ژیانا خۆ ژ دەست دای، گەهشتیە 20 هزار و 212 کەسان و 80 هزار 52 کەسێن دی بریندارن.

ژێدەری هەروەسا ئاماژە دایە: لێگەڕیان ل قوربانیان بەردەوامە و دەم بۆ دەمی ژمارەیا قوربانیان زێدە دبیت، ژبەر کو ب هزاران کەس ماینە د بن هەڕفتەیێن ئاڤاهیان ڤە.

پتریا قوربانیێن تورکیا ل پارێزگەها هاتای نە و بتنێ ل وێ پارێزگەهێ 6 هزار و 205 کەسان ژیانا خۆ ژ دەست دایە و 17 هزار و 823 کەس بریندارن.