گاڤ

دەزگەهێ خێرخوازی یێ بارزانی تا نوکە ل سەر گەهاندنا هاریکاریان بۆ باکۆر و رۆژئاڤایێن کوردستانێ بەردەوامە و 12 تڕێلەیێن هاریکاریان گەهاندینە زیانڤێکەفتیان.

ل گۆرەی راپۆرتەکا دەزگەهێ خێرخوازی یێ بارزانی، تا نوکە ئەو شیاینە 12 ترێلەیێن پێدڤیاتیێن خوارنێ و دەرمان و جلک و چەندین پێدڤیاتیێن ژیانێ گەهاندینە زیانڤێکەفتیێن ئەردهەژان.

د راپۆرتێ دا هاتیە ژی: ئەو هاریکاریێن ب رێکا دەزگەهێ خێرخوازی یێ بارزانی هاتینە دابەشکرن، ژ ئالیێ دەزگەهێ ب خۆ، وەزارەتا ساخلەمیا کوردستانێ، کۆمپانیا ئەلتۆنسا، رێڤەبەریا ئاڤا سلێمانیێ و ژمارەکا کەساتیان ڤە هاتبوونە بەخشین.