گاڤ

لێگەڕیان ل قوربانیان و بزاڤێن رزگارکرنا قوربانیێن ئەردهەژا تورکیا و سووریێ بەردەوامن و ب گۆتنا شارەزایان، دەلیڤەیا دیتنا کەسێن ساخ دەم بۆ دەمی کێم دبیت.

ئەندامەکێ تیمێن رزگارکرنا قوربانیان ل تورکیا دبێژیت: د 24 دەمژمێرێن دەستپێکێ یێن پشتی بیڤەلەرزان دا، دەرخستنا کەسێن ساخ ژ بن هەڕفتەیان باشە، لێ ل گەل بۆرینا دەمی، ئەو دەلیڤە کێم دبیت.

ئەو شارەزا دبێژیت ژی: مرۆڤان شیانێن مەزن هەنە کو بمیننە ساخ، لێ مانا ساخ گرێدای وی جهی یە یێ تێدا ئاسێ دبیت و کا ئەو مرۆڤ دشێت بگەهیتە ئاڤ و خوارنێ یان نە، ئەگەر کەسێ ئاسێ بشێت بگەهیتە ئاڤێ و بریندار نەببیت و هەوا بگەهیتێ، د شیان دا د ناڤبەرا 3 تا 7 رۆژان بێی خوارن بژیت.

شارەزا ئاماژێ ددەن کو ئەگەر کەسێ ئاسێ بریندار ببیت، یان ئەو جهێ مایە د بن ڤە گەلەک یێ ئاسێ بیت، دبیت ژ ئەگەرێ نەگەهشتنا رێژەیا پێدڤی یا ئۆکسجینێ و بلندبوونا پلەیێن گەرمێ، نەشێت گەلەک بەرگریێ بکەت و ژیانا خۆ ژ دەست بدەت.

ل رۆژا 6-2-2023یێ دو بیڤەلەرزان ئێکێ ب هێزا 7.8 و یا دی ب هێزا 7.5 پلەیێن رێختەر ل چەندین دەڤەرێن تورکیا و سووریێ دا و ژمارەیا قوربانیێن وان بیڤەلەرزان ژ 100 هزار کەسان دەرباز بوویە.