ئەردۆگان: د سالەکێ دا دێ باژێڕێن خۆ ئاڤەدان کەین
گاڤ
سەرۆککۆمارێ تورکیا ل ئامەدێ چاڤدێریا پرۆسەیا رزگارکرنا قوربانیێن ئەردهەژێ دکەت و راگەهاند: د سالەکێ دا ئەو دێ باژێڕێن خۆ ئاڤەدان کەنە ڤە.
رەجەب تەیب ئەردۆگان، سەرۆککۆمارێ تورکیا ئەڤرۆ ل ئامەدێ د گۆتارەکێ دا راگەهاند: هەردو ئەردهەژێن ل ڤێ مەهێ ل تورکیا دا، ژ بهێزترین ئەردهەژێن دیرۆکا سەردەم یا تورکیا بوون و زیان گەهاندینە پتری 13 ملیۆن کەسان.
ئەردۆگانی د گۆتارا خۆ دا ئاماژە دا بزاڤێن ئاساییکرنا ژیانا وەلاتیان و گۆت: 100 ملیار لیرە بۆ چارەکرنا قەرانێ هاتینە تەرخانکرن و ئەو دێ د سالەکێ دا باژێڕێن خۆ ئاڤەدان کەنە ڤە.
دەربارەی دوماهی ئامارا قوربانیان، ئەردۆگانی گۆت: 21 هزار و 43 کەسان د ئەردهەژان دا ژیانا خۆ ژ دەست دایە و پتری 80 هزار کەسان بریندار بووینە.
دەربارەی کەسێن دەربدەر بووین، سەرۆککۆمارێ تورکیا دوپات کر کو دێ جهێن ڤەحەواندنێ بۆ وان هێنە دیتن، دەواما زانکۆیێن تورکیا بوویە ئۆنلاین و کەسێن دەربدەر دێ د ئاڤاهیێن زانکۆیان ڤە هێنە حەواندن.