ئەرێ دوماهیا سالێ دێ کەسەکێ دی بیتە رێڤەبەرێ تویتەری؟
بەلاڤ بکە
گاڤ
خۆدانێ تۆڕا تويته‌رى و رێڤه‌به‌رێ بجهئينانێ يێ وێ دياركر كو ره‌نگه دويماهيا سالێ ده‌مه‌كێ گونجاى بيت بۆ ديتنا كه‌سه‌كێ دى بۆ برێڤه‌برنا تويته‌رى.
ئاژانسان ژ ئيلۆن ماسك ڤه‌گوهاستينه "ئه‌ز د وێ باوه‌ريێ دا مه كو ره‌نگه دويماهيا سالا 2023 ده‌مه‌كێ گونجاى بيت ژ بۆ ديتنا كه‌سه‌كى دى بۆ برێڤه‌برنا تۆڕا تويته‌رى".
ديار ژى كر؛ ئه‌ز پێدڤى ب بده‌ستڤه‌ئينانا سه‌قامگيريێ مه د تۆڕێ دا هه‌روه‌سا پشتراستبوونێ ژ وێ چه‌ندێ كو تويته‌ر د ره‌وشه‌كا باش دايه و نه‌خشه‌رێك يا زه‌لاله.
ماسك ل هه‌يڤا ئوكتۆبه‌را سالا 2022 هه‌ڤبه‌ستا كڕينا تويته‌رى ب بهايێ 44 مليار دۆلاران ته‌مامكربوو.
د ده‌مێن بۆرى دا، ژماره‌يه‌كا ره‌خنه‌يان ئاراسته‌ى ماسكى هاتبوونه كرن كو وى ژ به‌ر مژويلبوونێ ب تۆڕا تويته‌رى ڤه، پرۆژه‌يێن خۆ يێن دى وه‌كى كۆمپانيا تێسلا يا ترۆمبێلان په‌راوێز كرينه.
هه‌ر ژ ده‌مێ ماسكى تۆڕا تويته‌رى كڕى، بهايێ پشكێن كۆمپانيا تێسلا نزمبووينه.
ئيلۆن ماسك ل هه‌يڤا ديسه‌مبه‌را سالا بۆرى دياركربوو كو هه‌ر ده‌مێ ئه‌و ’كه‌سه‌كێ گه‌مژه’ ببينيت كو ب برێڤه‌برنا تويته‌رى رازى ببيت، ئه‌و دێ ده‌ستژكاركێشيت.
