رۆژنامهيهكا بريتانى: بهغدا بۆ هاتنوچوونا ترۆمبێلان خرابترين باژێڕه ل رۆژههلاتا ناڤين
گاڤ
رۆژنامهيهكا بريتانى ئاشكرا كر كو بهغدا بۆ هاتنوچوونا ترۆمبێلان خرابترين باژێڕه ل رۆژههلاتا ناڤين.
كۆڤارا ئيكونۆميست يا بريتانى بهلاڤكر؛ بهغدا بۆ هاتنوچوونا ترۆمبێلان خرابترين پايتهختێ رۆژههلاتا ناڤينه.
رۆژنامهيا بريتانى خۆيا ژى كريه؛ شهڕێ ناڤخۆيى و هێرشێن تيرۆرستى د سالێن بۆرى دا ببوونه ئهگهرێ مانا ئيراقيان د مالێن وان ڤه، لێ ئهڤرۆ ئهڤ ههمى چهنده هاتيه گوهۆڕين.
ئاماژه دايه وێ چهندێ ژى؛ قهرهبالغيا هاتنووچوونێ باژێڕ خهندقانديه، وهلاتى دهمێن درێژ دبۆرينن تا كو دگههنه جهێ مهبهستێ.
"ئيراقێ رۆژهكێ ژ رۆژان باشترين سيستهمێن هاتنوچوونێ ل رۆژههلاتا ناڤين ههبوون، ل سالێن پێنجيان ئيراق ئێكهم وهلات بوو ل رۆژههلاتا ناڤين كو كوستهرێن دو نهۆمى ههين"، ئيكونۆميست زێده كريه.
محهمهد شياع سوودانى سهرۆكوهزيرێ ئيراقێ دوهى پێنجشهمبيێ پاكێجهكا پرۆژهيان بۆ چارهكرنا قهرهبالغيا هاتنوچوونێ ل بهغدا راگههاند بوو.
پاكێج ژ ئاڤاكرنا پڕان و رێكێن نوى ل بهغدا پێكدهێت.