فوئاد حسێن: ئيراق داخوازا راگرتنا شه‌ڕى ل ئۆكراينا و گێڕانا ئه‌لمانيا بۆ رۆله‌كێ د ڤێ چه‌ندێ دا دكه‌ت
بەلاڤ بکە
گاڤ
وه‌زيرێ ده‌رڤه يێ ئيراقێ داخواز راگرتنا شه‌ڕى ل ئۆكراينا كر و دياركر كو د شيانێن ئه‌لمانيا دايه رۆله‌كێ د ڤێ چه‌ندێ دا بگێڕيت.
ئه‌نالينا بێربۆك وه‌زيرا ده‌رڤه يا ئه‌مريكا ئه‌ڤرۆ سێشه‌مبيێ گه‌هشته ئيراقێ و ل گه‌ل د. فوئاد حسێن وه‌زيرێ ده‌رڤه يێ ئيراقێ پرێس كۆنفرانسه‌ك ئه‌نجامدا.
د. فوئاد حسێن د پرێس كۆنفرانسى دا دياركر؛ كۆمپانيێن ئه‌لمانى رۆله‌كێ گرنگ د ئاڤاكرنا ئابوورێ ئيراقێ دا هه‌نه و ئه‌م كار ل سه‌ر پێشڤه‌برنا په‌يوه‌نديان ل گه‌ل ئه‌لمانيا د بياڤێ فێركرنێ دا كه‌ين.
وه‌زيرێ ده‌رڤه يێ ئيراقێ زێده ژى كر "ئيراق داخوازا راگرتنا شه‌ڕى ل ئۆكراينا دكه‌ت و د شيانێن ئه‌لمانيا دايه رۆله‌كێ د ڤێ چه‌ندێ دا بگێڕيت".
وه‌زيرا ئه‌لمانى د سه‌ره‌دانا خۆ دا بۆ به‌غدا دێ ل گه‌ل محه‌مه‌د شياع سوودانى سه‌رۆكوه‌زيرێ ئيراقێ ژى كۆمبيت و دێ په‌يوه‌نديێن هه‌ڤپشك، بوارێ وه‌به‌رهێنانێ و مژارێن جودا جودا تێدا هێنه به‌حسكرن.
وه‌زيرا ده‌رڤه يا ئه‌لمانيا پشتى ب دويماهيك هاتنا سه‌ره‌دانا خۆ بۆ به‌غدا دێ سه‌ره‌دانا هه‌رێما كوردستانێ ژى كه‌ت.
