هه‌رێم دێ بیته چار بازنه‌یێن هه‌لبژارتنان
03/11/2023 - 17:19
بەلاڤ بکە
ئالیێن سیاسى یێن ناڤا په‌ڕله‌مانى هژماره‌كا بڕیاران ل دۆر هه‌لبژارتنێن بهێن یێن هه‌رێما كوردستانێ ده‌رخستن، ژوان ژى سیسته‌مێ هه‌لبژارتنان دێ چوار بازنه‌یی بیت ل گۆره‌ى هژمارا پارێزگه‌هێن هه‌رێمێ و تۆمارا بایۆمه‌تریا ئیراقێ دێ بیته بنه‌ما بۆ هه‌لبژارتنان.
ئه‌ڤرۆ ل مه‌كته‌با سیاسیا ئێكه‌تیا نیشتیمانیا كوردستانێ ل باژێرێ سلێمانیێ نوینه‌رێن ئالیێن سیاسى یێن ناڤا په‌ڕله‌مانێ كوردستانێ كۆمبوون و ل دۆر راستڤه‌كرنا یاسایا هه‌لبژارتنێن هه‌رێمێ ئه‌ڤ بڕیارێن ژێرى دان.
- سیسته‌می چار بازنه‌یی دێ ل گۆره‌ى پارێزگه‌هێن هه‌رێمێ بیت
- تۆمارا بایۆمه‌ترى یا كۆمسیۆنا سه‌ربخۆ یا هه‌لبژارتنێن ئیراقێ ببیته شه‌نگسته بۆ هه‌مى پێدڤییان.
- داتایێن وه‌زاره‌تا پلاندانانا حكومه‌تا ئیراقا فیدرال دێ هێنه بكارئینان بۆ دیاركرنا رێژه‌یا كورسیێن پارێزگه‌هان.
- كاراكرنا كۆمسیۆنا بلندا هه‌لبژارتن و راپرسیێن هه‌رێمێ.
- سه‌رۆكاتیا په‌ڕله‌مانى و فراكسیۆنان، دێ كۆمبوونه‌كێ دگه‌ل نوینه‌رێن پێكهاته‌یان ل ناڤ و ده‌رڤه‌ى په‌ڕله‌مانى كه‌ت.
