"ڤرێكرنا بودجه‌يا سالا 2023 بۆ په‌رله‌مانێ ئيراقێ ژ به‌ر هه‌شت ئه‌گه‌ران گيرۆ بوويه"
بەلاڤ بکە
گاڤ
تا نوكه پرۆژه‌ياسايا بودجه‌يا گشتى يا ئيراقێ يا سالا 2023 نه‌گه‌هشتيه په‌رله‌مانى و شاره‌زايه‌كێ ئابوورى ئه‌ڤ چه‌نده بۆ هه‌شت ئه‌گه‌ران ڤه‌گه‌ڕاند.
نه‌بيل ئه‌لعه‌لى بۆ ئاژانسا مه‌علومه دياركر؛ هه‌شت ئه‌گه‌ر ل پشت گيرۆبوونا ڤرێكرنا بودجه‌يێ بۆ په‌رله‌مانى و ده‌نگدانێ ل سه‌ر د په‌رله‌مانى دا هه‌نه.
خۆيا ژى كر؛ بودجه حه‌فتى بۆ حه‌فتيێ ژ به‌ر رێكارێن پێدڤى بۆ وێ يان ئه‌نجامدانا گوهۆڕينان تێدا گيرۆ دبيت.
ئاشكرا ژى كر كو ئه‌و هه‌شت ئه‌گه‌رێن ل پشت گيرۆبوونا هنارتنا بودجه‌يێ بۆ په‌رله‌مانى ژ: پرۆژه‌يێن مه‌زن، مووچه‌يێن فه‌رمانبه‌رێن ده‌وله‌تێ، بهايێ خه‌رجكرنا دۆلارى، بودجه‌يێن دارايى يێ نوى يێن هنده‌ك وه‌زاره‌تان وه‌كى وه‌زاره‌تا بازرگانيێ، پرۆژه‌يێن گه‌شه‌پێدانێ، پرۆژه‌يێن تايبه‌ت يێن حكومه‌ت پێ رادبيت، سندۆقا سه‌روه‌ر (سيادى) و قه‌ڕێن چينى پێكدهێن.
ژ لايێ خۆڤه، محه‌مه‌د سه‌عدوون سوودانى ئه‌ندامێ په‌رله‌مانێ ئيراقێ د ده‌مه‌كێ دى دا ژ ئه‌ڤرۆ شه‌مبيێ دياركربوو كو ره‌نگه ژ به‌رى دويماهيا ڤێ هه‌يڤێ بودجه‌يا گشتى بۆ په‌رله‌مانى بهێته ره‌وانه‌كرن و پرانيا خالێن جهێن ناكۆكيێ هاتينه ده‌ربازكرن.
