په‌رله‌مانێ كوردستانێ داخوازيه‌ك ژ لايه‌نێن سياسى كر
بەلاڤ بکە
گاڤ
سه‌رۆكاتيا په‌رله‌مانێ كوردستانێ ئه‌ڤرۆ دوشه‌مبيێ داخوازيه‌ك ژ پارت و لايه‌نێن سياسى يێن هه‌رێما كوردستانێ كر.
په‌رله‌مانى كوردستانێ راگه‌هاند؛ په‌رله‌مان دێ كۆمبوونه‌كا ئاسايى بۆ پێكئينانا لژنه‌يێن تايبه‌تمه‌ند ب كاراكرنا كۆميسيۆنا هه‌لبژارتنان ل رۆژا چارشه‌مبيێ 15/3/2023 ئه‌نجامده‌ت.
سه‌رۆكاتيا په‌رله‌مانى داخواز ژ هه‌مى لايه‌ن و فراكسيۆنێن سياسى كر كو له‌زاتيێ ژ بۆ گه‌هشتنێ ب لێكتێگه‌هشتنه‌كا هه‌ڤپشك ژ بۆ بله‌زكرنا پرۆسه‌يا به‌رهه‌ڤكاريێ بۆ ئه‌نجامدانا هه‌لبژارتنان د ئه‌ڤ ساله 2023 دا بكه‌ن.
په‌رله‌مانى ديار ژى كر؛ سه‌رۆكاتيا په‌رله‌مانى ب بجهئينانا ياسايا به‌رده‌واميا خۆلا پێنجێ يا په‌رله‌مانێ كوردستانێ ژماره 12 يا سالا 2022 و زه‌مينه‌سازيا سياسى و ياسايى بۆ ئه‌نجامدانا هه‌لبژارتنێن خۆلا شه‌شێ يا په‌رله‌مانێ كوردستانێ د ده‌مێ دياركرى دا پابه‌نده.
هه‌روه‌سا په‌رله‌مانى پێشوازى ل به‌ره‌ڤپێشچوونا رێكارێن ئاماده‌كرنا پرۆژه‌يه‌كێ هه‌ڤپشك بۆ هه‌مواركرنا ياسايا هه‌لبژارتنان ل هه‌رێمێ كر.
