"لايهنێن سياسى يێن ئيراقى تا نوكه ل دۆر سيستهمێ ههلبژارتنان نهگههشتينه رێككهفتنێ"
گاڤ
پهرلهمانتارهكێ سهربخۆ يێ ئيراقى ئهڤرۆ پێنجشهمبيێ دياركر كو هێشتا لايهنێن سياسى يێن ئيراقى ل دۆر ههمواركرنا ياسايا ههلبژارتنان نهگههشتينه رێككهفتنێ و ناكۆكى د بهردهوامن.
جڤاتا نوينهرێن ئيراقێ ل 4ى ڤێ ههيڤێ خواندنا دوێ بۆ پرۆژهياسايا ههمواركرنا سيێ بۆ ياسايا ههلبژارتنێن جڤاتێن پارێزگههان و قهزايان ژماره 12 يا سالا 2018 ب دويماهيك ئينابوو و رۆژا ئێكشهمبيا بهێت بۆ روينشتنا دهنگدانێ ل سهر وێ دهستنيشانكربوو.
سوجاد سالم بۆ ئاژانسا بهغداد ئهليهوم راگههاند؛ چ رێككهفتن تا ڤى دهمى ل دۆر سيستهمێ ههلبژارتنان نينن و پتر ژ پێشنيارهكێ بۆ ههنه و لايهنێن سياسى ژ لايهكێ ڤه و ئهو لايهنه ل گهل پهرلهمانتارێن سهربخۆ ژ لايهكێ دى ڤه تا نوكه ل دۆر ڤێ چهندێ نهگههشتينه رێككهفتنێ.
ناڤهاتى گۆت ژى "پهرلهمانتارێن سهربخۆ ژى بۆچوونێن جودا جودا ل دۆر سيستهمێ ياسايا ههلبژارتنان ههنه".
خۆيا ژى كر؛ هندهكان سيستهمێ فرهبازنهيى دڤێت، هندهكان ژى سيستهمێ سانت لێگيۆ يێ رهسهن و هندهكێن دى ژى ل گهل سيستهمێ سانت لێگيۆ 1.6ن و دانوستاندن بێى گههشتنێ ب رێككهفتنێ د بهردهوامن.