حکومەتا ئیراقێ به‌حسێ رێككه‌فتا هه‌ولێر و به‌غدا ل دۆر په‌ترۆلێ دكه‌ت
بەلاڤ بکە
گاڤ
شيره‌تكاره‌كێ سه‌رۆكوه‌زيرێ ئيراقێ هنده‌ك هويركاتيێن رێككه‌فتنا دناڤبه‌را هه‌ولێرێ و به‌غدا دا ل دۆر په‌ترۆلێ ئاشكرا كرن.
فادى شمه‌رى شيره‌تكارێ سياسى يێ محه‌مه‌د شياع سوودانى سه‌رۆكوه‌زيرێ ئيراقێ ئه‌ڤرۆ ئه‌ينێ دياركر؛ ل گۆره‌ى رێككه‌فتنا دناڤبه‌را هه‌ولێر و به‌غدا د چارچووڤه‌يێ ياسايا بودجه‌يێ يا سالا 2023 دا، پێدڤيه حكومه‌تا هه‌رێما كوردستانێ هه‌مى داهاتێن دارايى يێن په‌ترۆلێ بكه‌ته د ئێك ژماره‌يا به‌نكى دا.
خۆيا ژى كر كو ئه‌و ژماره‌يا به‌نكى دێ بۆ رايا گشتى، حكومه‌تێن هه‌رێمێ و يا فيدرالى، ديوانا چاڤدێريا دارايى و هويربينيا كۆمپانيه‌كا نێڤده‌وله‌تى يا ديار بيت.
ئاماژه دا وێ چه‌ندێ ژى كو "ئه‌ڤ رێككه‌فتنه دناڤبه‌را حكومه‌تا فيدرالى و يا هه‌رێما كوردستانێ دا يا دادپه‌روه‌رانه‌يه".
سه‌رۆكوه‌زيرێ ئيراقێ ل 13ى ڤێ هه‌يڤێ گه‌هشتنا هه‌ولێر و به‌غدا بۆ رێككه‌فتنێ ل دۆر داهاتێ په‌ترۆلا كوردستانێ راگه‌هاند بوو.
