"ژماره‌يا ترۆمبێلان ل ئيراقێ ل سالا 2030 دێ گه‌هيته نزيكى 10 مليۆن ترۆمبێلان"
03/17/2023 - 18:39
بەلاڤ بکە
گاڤ
دهێته چاڤه‌رێكرن ژماره‌يا ترۆمبێلان ل ئيراقێ ل سالا 2030 بگه‌هيته نزيكى 10 مليۆن ترۆمبێلان.
سازيا ئيراقا پاشه‌ڕۆژێ بۆ لێكۆلين و شيره‌تكاريێن ئابوورى ئه‌ڤرۆ ئه‌ينيێ پێشبينيى كر كو ژماره‌يا ترۆمبێلان ل ئيراقێ تا دويماهيا سالا 2030 بگه‌هيته 9.5 مليۆن ترۆمبێلان.
ديار ژى كر؛ ئه‌ڤ چه‌نده ژ ئه‌نجامێ زێده‌بوونا ئاكنجيێن ئيراقێ يه كو دهێته چاڤه‌رێكرن تا دويماهيا سالا 2030 بگه‌هيته 51 مليۆن كه‌سان.
خۆيا ژى كريه كو پێدڤياتيا ئيراقێ بۆ په‌نزينێ ل سالا 2030 دێ زێده بيت.
"ترۆمبێلێن ئيراقێ سالانه دێ پێدڤى ب 17 مليار ليترێن په‌نزينێ ژ بۆ پڕكرنا پێدڤياتيێ بن"، ل گۆره‌ى سازيێ.
