راپرسيه‌ك: كليچدار ئوغلۆ دێ بیتە سه‌رۆككۆمارێ توركيا
بەلاڤ بکە
گاڤ
راپرسيه‌كا ناڤه‌نده‌كا لێكۆلينێن سياسى و راپرسيان ل توركيا ئاشكرا كر كو كليچدار ئوغلۆ بۆ سه‌ركه‌فتنێ د هه‌لبژارتنێن سه‌رۆككۆمارێ توركيا يێن ئه‌ڤ ساله دا و جه‌هه‌په د هه‌لبژارتنێن په‌رله‌مانى دا بهێزترين هه‌ڤڕكن.
هه‌لبژارتنێن سه‌رۆككۆمار و په‌رله‌مانێ توركيا دێ ل 14ى هه‌يڤا گولانا بهێت برێڤه‌چن و هه‌ڤڕكيه‌كا ب هێز دناڤبه‌را كه‌مال كليچدار ئوغلۆ به‌ربژارێ هه‌ڤپه‌يمانيا ملله‌ت و ره‌جه‌ب ته‌يب ئه‌ردۆگان به‌ربژارێ هه‌ڤپه‌يمانيا كۆمارى دا و دناڤبه‌را جه‌هه‌په و ئاكه‌په دا هه‌يه.
د ئه‌نجامێن راپرسيه‌كا ناڤه‌ندا OCR دا هاتيه؛ كليچدار ئوغلۆ رێژه‌يا 53.1% و ئه‌ردۆگانى رێژه‌يا 42.3% ژ بۆچوونێن ده‌نگده‌ران بده‌ستڤه‌ئيناينه.
هه‌روه‌سا رێزبه‌نديا پێنج لايه‌نێن سياسى يێن ئێكێ ل گۆره‌ى راپرسيێ ب ڤى ره‌نگى بوو: جه‌هه‌په 28.3%، ئاكپارتى 28.1%، ئى پارتى 11.7%، هه‌ده‌په 9.3% و مه‌هه‌په 6.3%.
راپرسى ل رۆژێن 11 تا 15 ژ ڤێ هه‌يڤێ ل 45 پارێزگه‌هێن توركى ب شێوه‌يێ راسته‌وخۆ هاتبوو ئه‌نجامدان.
بۆچوونێن 4540 كه‌سان د راپرسيێ دا هاتبوونه وه‌رگرتن و تێدا هاتبوو پرسياركرن "ئه‌گه‌ر ل ئێكشه‌مبيا بهێت هه‌لبژارتن بهێنه كرن، دێ ده‌نگى ب كيژ به‌ربژارێ سه‌رۆككۆمارى و كيژ لايه‌نێ سياسى ده‌ى؟".
