تورکیا نامەیەکا پیرۆزباهیان بۆ سەرۆکێ هەرێما کوردستانێ هنارت
بەلاڤ بکە
گاڤ
وەزیرێ دەرڤە یێ تورکیا ب هەلکەفتا نەورۆز و سەرسالا کوردی نامەیەکا پیرۆزباهیێ بۆ نێچیرڤان بارزانی، سەرۆکێ هەرێما کوردستانێ هنارت.
سەرۆکاتیا هەرێما کوردستانێ د بەیانەکێ دا راگەهاند؛ مەولوود چاویشئوغلۆ د نامەیا خۆ دا پیرۆزباهیا نەورۆزێ ل سەرۆک نێچیرڤان بارزانی کر و نەورۆز ب ئەگەرەک بۆ بهێزکرنا برایەتی، هەروەسا ب هێمایێ نویبوون، ژیان، هەڤدەنگی و شادیێ ل قەلەم دایە کو ب درێژاهیا مێژوویێ رەنگڤەدانا مرۆڤی بوویە بۆ تێگەهشتن ل ژیانێ ل گەل سروشتی.
هەروەسا هاتیە، وەزیرێ دەرڤە یێ تورکیا ئاماژە ب وێ یەکێ دایە کو ژ ئەگەرێ ئەردهەژا هەیڤا بووری وەلاتێ وی ب خەمباری ڤە پێشوازیێ ل نەورۆزێ دکەت، هەروەسا سوپاسیا سەرۆک نێچیرڤان بارزانی کر کو سەرەدانا جهێن ئەردهەژێ کر ل تورکیا ب مەرەما دەربرینا هەڤسۆزیێ ل گەل قوربانیان.
د د وماهیا نامەیا خۆ دا چاویشئوغلۆ هیڤیا خۆشگوزەرانیێ بۆ تورکیا، جیهانێ خواست و هیڤیا سلامەتیێ ژی بۆ خەلکێ هەرێما کوردستان و سەرۆک نێچیرڤان بارزانی ژی خواست.
