ئیراقێ بهایێ كڕینا گهنمى ژ جۆتیاران دهستنیشانكر
03/23/2023 - 20:00
گاڤ
وهزارهتا بازرگانی یا ئیراقێ ئهڤرۆ پێنجشهمبیێ بهایێ كڕینا گهنمى ژ جۆتیاران بۆ ڤى وهرزێ چاندنێ دهستنیشانكر.
وهزارهتا بازرگانى یا ئیراقێ راگههاند؛ دێ گهنم ل ڤى وهرزى ب بهایێ 850 هزار دیناران بۆ ههر تهنهكا گهنمى ژ جۆتیاران هێته كڕین.
وهزارهتێ ئاشكرا ژى كر؛ دێ شایستهیێن جۆتیاران د دهمێ نهزێدهتر ژ دو حهفتیان ژ رێكهفتنا وهرگرتنا گهنمى ب وان هێنه دان.
كۆمبوونهك ئهڤرۆ ب سهركردایهتیا محهمهد شیاع سوودانى سهرۆكوهزیرێ ئیراقێ و ب بهرههڤبوونا وهزیرێن چاندنێ، دارایى، بازرگانى زێدهبارى نوینهران ژ پاسهوانێن سنووران، جڤاتا ئێمناهیا نیشتیمانى و ئۆپهراسیۆنان برێڤهچووبوو.
ههروهسا بڕیارا ب ساناهیكرنا رێكارێن وهرگرتنا جههى ژ لایێ عومبارگههان و بنگههێن وهزارهتا بازرگانى ڤه هاته دان.