"بهرشلۆنا پلانا ڤهگهڕاندنا مێسى د هاڤینا ئهڤ ساله دا دانایه"
گاڤ
یانهیا بهرشلۆنا پلانهك دانایه كو د هاڤینا ئهڤ ساله 2023 دا دوباره مێسى بۆ دناڤ رێزێن خۆ دا ڤهگهڕینیت.
یانهیا پاریس سان جێرمان ل هاڤینا سالا 2021 گرێبهست ل گهل لیۆنێل مێسى پشتى ب دویماهیك هاتنا گرێبهستا وى ل گهل بهرشلۆنا ئیمزا كربوو.
گرێبهستا مێسى ل گهل یانهیا فرنسى ل خزیرانا ئهڤ ساله ب دویماهیك دهێت و تا نوكه ههردو لایهن بۆ نویكرنا گرێبهستێ نهگههشتینه رێككهفتنێ.
رۆژنامهیا لو پاریسیان ل دۆر ڤێ چهندێ بهلاڤكریه؛ یانهیا بهرشلۆنا پلانا ڤهگهڕاندنا مێسى دانایه، لێ ل سهر وێ پێدڤیه ل دهستپێكێ خهرجیێن خۆ ب نزیكى 200 ملیۆن یۆرۆیان كێم بكهت.
دیار ژى كریه؛ بۆ ڤێ مهرهمێ، یانهیا بهرشلۆنا دێ دهستان ژ هندهك یاریكهرێن خۆ بهردهت و بودجهیا مووچهیێن یاریكهرێن یانهیێ كێم كهت.
رۆژنامهیێ ئاشكرا ژى كریه كو بهرشلۆنا ل ژڤانێ هاتنا ئۆفهرایه ژ بۆ یاریكهران ئێنسۆ فاتى، كلیمێنت لینگلێت، فێران تۆرێس و ئێریك گارسیا.
رۆژنامهیا ئهو ئێك ژى نهڤهشارتیه كو بهرشلۆنا ئۆفهرێ دانا مووچهیێ 10 ملیۆن یۆرۆیان سالانه ل گهل مێسى بهحسكریه.
ههروهسا دێ پشكهك ژ داهاتێ فرۆشتنا درێسێن وى و داهاتێ گرێبهستێن سپۆنسهریێ ژى بۆ مێسى بن.