"ده‌ست ب سه‌ر رێژه‌یه‌كا مه‌زن ژ ده‌رمانێن قاچاخ دا هاته گرتن"
04/06/2023 - 21:46
بەلاڤ بکە
گاڤ
دامه‌زراوه‌یا كونترۆلا جۆرى یا ده‌رمانان یا هه‌رێما كوردستانێ ئه‌ڤرۆ پێنجشه‌مبیێ ده‌ستبسه‌رداگرتنا رێژه‌یێن مه‌زن ژ ده‌رمانێن قاچاخ دا راگه‌هاند.
د به‌یانه‌كا رێڤه‌به‌ریێ دا هاتیه؛ ده‌ست ب سه‌ر ژماره‌یه‌كا به‌رهه‌مێن ده‌رمانان یێن قاچاخ و بێ ژێدەرێ ئینانێ دا هاته گرتن.
دیار ژى كریه؛ ب هه‌ماهه‌نگى ل گه‌ل رێڤه‌به‌ریا گشتى یا ئاسایشێ یا ده‌رگه‌هێن سنوورى، ده‌ست ب سه‌ر بڕه‌كا مه‌زن ژ ده‌رمانێن قاچاخ و بێ سه‌رچاوه دا هاته گرتن كو گۆمانا سه‌خته‌ییێ ل سه‌ر هه‌یه.
خۆیا ژى كریه كو بزاڤ هه‌بوون ب شێوه‌یێ ڤه‌شارتى و نه‌یاسایى بازرگانى ب وان ده‌رمانان بهێته كرن.
ئاشكرا ژى كر؛ تۆمه‌تبار هاتنه ده‌سته‌سه‌ركرن و په‌رێن لێكۆلینێ بۆ هاتنه ڤه‌كرن.
