گاڤ

لێكۆلینه‌كا ئه‌لمانى یا نوى دیاركر كو كاركرنا فه‌رمانبه‌ر و كارمه‌ندێن ئۆفیسان ژ مال نه‌بوویه‌ ئه‌گه‌رێ كێمكرنا هاتنوچوونێ ب ترۆمبێل و ئالاڤێن دى یێن هاتنوچوونێ و ده‌ردانا گازێن ژه‌هراوى.

لێكۆلینه‌كا ئه‌لمانى ئاماژه‌ دایه‌ وێ چه‌ندێ كو كاركرن ژ مال و ب دیجیتالكرن نه‌بووینه‌ ئه‌گه‌رێ كێمكرنا ده‌ردانا گازا دوه‌م ئۆكسیدا كاربۆنێ.

لێكۆلین ژ لایێ سه‌نته‌رێ لایبنێتس یێ ئه‌لمانى یێ لێكۆلینێن ئابوورى یێن ئه‌ورۆپى ڤه‌ هاتبوو ئه‌نجامدان و ئاشكرا كریه‌ كو نه‌هاتیه‌ پشتراستكرن كو كاركرن ژ مال د مه‌ودایێ دومدرێژ دا ببیته‌ ئه‌گه‌رێ كێمكرنا لڤینا هاتنوچوونا ترۆمبێلان و ده‌ردانا گازا CO2.

لێكۆله‌ر یانا ئه‌كسینبێگ ل دۆر ئه‌گه‌رێن وێ چه‌ندێ دیاركر؛ ده‌مێ كاركرنا فه‌رمانبه‌ر و كارمه‌ندان ب رێكا ئۆنلاین ژ مال، ئه‌و د ده‌مێ كارى دا هه‌ر ژ مال ده‌ردكه‌ڤن، چ بۆ كاره‌كێ یان ژڤانه‌كێ بیت.

گۆت ژى "پێدڤیه‌ گرنگى ب بهێزكرنا هاتنوچوونا دوست بۆ ژینگه‌هێ و سه‌قاى بهێته‌ دان پتر ژ پشتبه‌ستنێ ل سه‌ر كاركرنێ ژ مال".