سهرۆك نێچیرڤان بارزانى و بالیۆزا ئهمریكا ل ئیراقێ دوپاتى ل سهر بهێزكرنا پهیوهندیێن دوقولى كرن
گاڤ
سهرۆكێ ههرێما كوردستانێ و بالیۆزا ئهمریكا ل ئیراقێ پهیوهندیێن دوقولى دناڤبهرا ههولێرێ و واشنتۆنێ دا بهحسكرن.
سهرۆك نێچیرڤان بارزانى ئهڤرۆ شهمبیێ ل بهغدا ل گهل ئهلینا رۆمانۆسكى بالیۆزا ئهمریكا ل ئیراقێ كۆمبوو.
د راگههاندنهكا سهرۆكاتیا ههرێمێ دا هاتیه؛ پهیوهندیێن ئهمریكا ل گهل ئیراقێ و ههرێما كوردستانێ، هاریكاریا ههڤپشك دناڤبهرا وان دا و رێككهفتنا پهترۆلێ دناڤبهرا ههولێر و بهغدا دا د دیدارێ دا هاتنه بهحسكرن.
بالیۆزا ئهمریكا ل ئیراقێ ئاماژه دا گرنگیپێدانا ئهمریكا ب دانوستاندنان دناڤبهرا ههولێر و بهغدا و چارهسهركرنا كێشهیێن دناڤبهرا وان دا.
رۆمانسكى ههروهسا بهردهوامیا پشتهڤانیا ئهمریكا بۆ ئیراقێ و ههرێما كوردستانێ دوپاتكر.
چهند پرسێن دى یێن جهێ گرنگیپێدانا ههڤپشك ژ تهوهرێن دى یێن كۆمبوونێ بوون.