سى ئاى ئه‌ى: نێزیكبوونا ئیرانێ و سعوودیێ ئه‌م حێبه‌تى كرینه
بەلاڤ بکە
گاڤ
ولیام بێرنز رێڤه‌به‌رێ ئاژانسا هه‌والگریا ناڤه‌ندى یا ئه‌مریكا (سى ئاى ئه‌ى) سه‌ره‌دانا سعوودیێ كرى یه و دلگرانی و حێبه‌تیبوونا خۆ همبه‌ر نێزیكبوونا وى وه‌لاتى ژ ئیرانێ نیشاندایه.
ل گۆره‌ى میدیایێن ئه‌مریكى، د چه‌ند رۆژێن بۆرى دا ولیام بێرنز، سه‌ره‌دانا سعوودیێ كرى یه، د ڤى واری دا به‌رپرسه‌كێ ئه‌مریكى ب پێگه‌هێ "مونیتۆر" راگه‌هاندى یه، بێرنز د سه‌ره‌دانا خۆ دا چاڤ ب رێبه‌ر و به‌رپرسێن هه‌والگریا سعوودیێ كه‌فتیه.
رۆژنامه‌یا ولستریت جۆرنال یا ئه‌مریكى ژى د راپۆرته‌كێ دا راگه‌هاند، رێڤه‌به‌رێ سى ئاى د سه‌ره‌دانا خۆ یا رانه‌گه‌هاندى دا، چاڤ ب محه‌مه‌د بن سه‌لمان شازاده‌یێ جهنشین یێ سعوودیێ كه‌فتیه و دلگرانیا ئه‌مریكا ژ نێزیكبوونا سعوودیێ دگه‌ل ئیرانێ و سووریێ گه‌هاندیێ. هه‌روه‌سا ولیام بێرنز گۆتیه محه‌مه‌د بن سه‌لمانى نێزیكبوونا سعوودیێ و ئیرانێ ئه‌و حێبه‌تیكرینه.
