لەهیان زیانێن مەزن یێن دارایی گەهاندینە جهێن گەشتیاری ل گەلیێ شێرانە
04/12/2023 - 17:34
گاڤ
ژبەر بارینا رێژەیەکا مەزن یا بارانێ و دروستبوونا لەهیان پتەی 15 جهێن گەشتیاری ل گەلیێ شێرانە ژناڤ چووینە و بتنێ ل ئێک جهـ ب بهایێ 100 ملیۆن دینارام زیان گەهشتینێ.
هەرمان سدقی، خودانێ ئێک ژ جهێن گەشتیاری ل گەلیێ شێرانە بۆ گاڤ گۆت: ژ ئەگەرێ لەهیان دو بەنداڤێن وی پەقینە و ئاڤێ نێزیکی 30 کەپرێن وی ژی ژناڤ برینە و ب گۆتنا وی، ب بهایێ پتری 100 ملیۆن دیناران زیان گەهشتینە وی.
هەروەسا گۆت: 15 جهێن دی ژی یێن گەشتیاری زیان گەهشتینێ و کو هەر ئێکی ب بهایێ 15 ملیۆن دیناران زیان گەهشتنێ و ب گۆتنا وی، زیانێن گشتی ل وی گەلی گەهشتینە نێزیکی 500 ملیۆن دیناران.