جۆ بایدن دو شیرهتكارێن خۆ ڤرێكرنه سعوودیه
گاڤ
سهرۆكێ ئهمریكا دو شیرهتكارێن خۆ ڤڕێكرنه سعوودیه و بادهكێن ئیرانێ و یهمهنێ ئهجێندایێن سهرهكى یێن سهرهدانێ پێكدئینن.
ههر ژ دهمێ ئوكتۆبهرا سالا بۆرى پشتى بڕیارا سعوودیه بۆ كێمكرنا بهرههمئینانا پهترۆلێ، پهیوهندیێن دناڤبهرا واشنتۆن و ریاز تێكچووبوون و كارگێریا ئهمریكى بزاڤێن دوباره باشكرنا پهیوهندیان دكهت.
مالپهرێ Axios یێ ئهمریكى بهلاڤكریه؛ جۆ بایدن سهرۆكێ ئهمریكا ههر ئێك ژ برێت ماكگۆرك مهزنه شیرهتكارێ كۆچكا سپى بۆ رۆژههلاتا ناڤین و ئامۆس هۆكستاین رێكخهرێ تایبهت یێ سهرۆكێ ئهمریكا بۆ كاروبارێن وزهیا نێڤدهولهتى و ژێرخانهیێ ژ بۆ كۆمبوونێ ل گهل بهرپرسێن بلند یێن سعوودى هنارتینه ریاز.
دیار ژى كریه؛ ئهڤ سهرهدانه پشتى دو رۆژان ژ گۆتوبێژێن دناڤبهرا جهیك سولیڤان شیرهتكارێ ئێمناهیا نهتهوهیى ل كۆچكا سپى ل گهل محهمهد بن سهلمان شازادهیێ سعوودیه هاتیه كو تێدا ههردو لایان بادهكا ئیرانێ ههروهسا گاڤێن ب دویماهیك ئینانا شهڕى ل یهمهنێ بهحسكربوون.
سولیڤان دوپاتى ل سهر پێگیریا جۆ بایدن سهرۆكێ ئهمریكا ب رێگریێ ل ئیرانێ ژ مولكداریا چهكێ ئهتۆمى دوپاتكربوو.
ماكگۆرك و هۆكستاین دو ئێكهم بهرپرسێن ئهمریكى نه ههر ژ ههیڤا ئوكتۆبهرێ یا سالا بۆرى دهمێ تێكچوونا پهیوهندیێن دوقولى دناڤبهرا ههردو وهلاتان دا سهرهدانا سعوودیه دكهن.