گاڤ

سه‌رۆكوه‌زیرێن هه‌رێما كوردستانێ ئه‌ڤرۆ دێ ل هه‌ولێرێ ل گه‌ل كۆمپانیێن نێڤده‌وله‌تى یێن په‌ترۆلێ كۆمبیت و پرسا ده‌ستپێكرنا هنارتنا په‌ترۆلا هه‌رێما كوردستانێ مژارا سه‌ره‌كى یا كۆمبوونێ یه‌.

میدیایێن بریتانى راگه‌هاند، ئه‌ڤرۆ كۆمپانیێن بیانى یێن په‌ترۆلێ دێ ل گه‌ل مه‌سروور بارزانى، سه‌رۆكێ حكومه‌تا هه‌رێما كوردستانێ كۆمبن.

هه‌روه‌سا دیاركریه‌، ئاماده‌كاریێن ده‌ستپێكرنا هنارتنا په‌ترۆلێ، مه‌رج و رێسایێن بهایێ فرۆشتنا په‌ترۆلێ ب رێكا سۆمۆ، میكانزما پێشنازكرى بۆ دانا قه‌رێن كۆمپانێن نێڤده‌وله‌تى و پشكا وان ژ فرۆشتنا هنارتنا په‌ترۆلێ ل پاشه‌رۆژێ دێ هێنه‌ به‌حسكرن.

هه‌روه‌سا میدیایێن بریتانیا ژ هنده‌ك ژێده‌ران وه‌رگرتیه‌، حكومه‌تێن هه‌رێم و ئیراقێ كێشه‌یێن ته‌كنیكى بۆ ده‌ستپكرنا هنارتنا په‌ترۆلێ ب رێكا به‌نده‌رێ جیهان بۆ بازارێن جیهانێ چاره‌ كریه‌.